Русский
English
Дар тавлиди нерӯи офтоб, соя мушкилотест, ки ба тавлиди муассир монеъ мешавад. Бо вуҷуди ин, олимони Донишгоҳи миллии Сингапур тавонистанд, ки ин мушкилотро ба манфиати худ истифода баранд. Генератори энергетикии Shadow-Effect Energy (SEG), ки онҳо таҳия кардаанд, дар мақолае тасвир шудааст, ки дар Energy & Environmental Science нашр шудааст.
Фаъолияти генератори SEG ба фарқияти потенсиалии байни қисмҳои дастгоҳ, ки мутаносибан дар рӯшноӣ ва дар соя ҷойгиранд, асос ёфтааст. Ба туфайли ин тафовут ҷараёни барқ ба вуҷуд меояд. Худи сатҳи тавлидкунанда аз ҳуҷайраҳо иборат аст, ки дар онҳо плёнкаи тиллои ултра тунук дар вафли кремний ҷойгир карда шудааст. Аммо сарфи назар аз истифодаи тилло дар тарҳ, таҳиягарон даъво доранд, ки генератори SEG назар ба панелҳои офтобии “классикӣ” хеле арзонтар хоҳад буд. Гайр аз ин, озмоишхои аввалини аппарат нишон доданд, ки дар шароити равшании тагйирёбанда он ду баробар самараноктар аст.
Прототипе, ки аз ҷониби гурӯҳи олимон офарида шудааст, шиддати 1,2 В эҷод мекунад. Ҳатто бо андозаҳои хурди дастгоҳ, ин барои нигоҳ доштани кори соати рақамӣ кифоя буд. Ин аз ҳад зиёд нест, аммо муаллифони лоиҳа ваъда медиҳанд, ки иқтидори онро зиёд мекунанд. Ҷолиб он аст, ки SEG-генератор инчунин метавонад ҳамчун сенсори ҳаракат амал кунад: вай қодир аст ба ҳаракатҳои объектҳое, ки ба дастгоҳ соя меафкананд, ҷавоб диҳад.